مصطلحات فلسطينية مش طبيعية..!!

بالفلسطيني – نقدم لكم مصطلحات فلسطينية مش طبيعية وبعض الجمل التي نسمعها في حياتنا اليومية ومعانيها الحقيقية .

(بدك الصحيح والا ابن عمه): مقدمة لكذبة من الحجم العائلي .

(شو بدك بالطويلة) : جملة محشورة داخل قصة يزيد عدد كلماتها عن مليون كلمة.

(وماشفنالك إلا ..): يعني موسيقى تصويرية قوتها 7.9 على مقياس ريختر لقصة سخيفة.

(وما كذبت خبر ): عبارة لنفش العضلات وبداية لكذبة ورسم بطولات ما حصلت إلا بالخيال .

(انت لسا ما بتعرفني): .تقال عندما يشعر المتكلم انه تبهدل وانمسحت بكرامته الارض .

(الله يستر عليها):. تقال بعد نهاية كل قصة تم فيها نشر غسيل جميع بنات الحارة وصديقات بنات الحارة .

( لا تواخذني بهالكلمة): مصطلح يهيئك نفسيا لسماع مسبّة ولكن بطريقة مؤدبة .

(أنا والله مو فارقة معي): .تدل على اهتمام المتكلم حتى الموت بالموضوع .

(سيدي ما علينا): نهاية الحديث البايخ الي شل في عرض كل الامة .

(عيّن خير): بعبارة أخرى … انسى الموضوع وابقى قابلني لو موضوعك مشي.

(لا يروح فكرك لبعيد): . يعني طنّش عن كل البلاوي اللي خبرتك عليها.